فى حب الرئيس

موضوع: فى حب الرئيس الأحد يوليو 18, 2010 1:40 pm

26/10/2009
* أحمد فؤاد نجم :
نؤيد سيادتك لفترة جديدة
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده في إيده الخلاص

*********
نبايع سيادته ولا حد غيره
كفايا علينا نبرطع في خيره
و نوم شعب مصر العظيمة و شخيره
يقول للحرامي ما تسرق كمان
نبايع سيادته وابنه وحفيده
مفيش زي فكره قديمه و جديده
خرابك يا مالطة حيحصل بايده
ومين فيكي يعني بيسمع آذان
نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
دي مصر بتاعتك و احنا ضيوفك
كفايا علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة و مهانة و حوجة و مر
لكن يعني ما دمنا شعب انتساب
و دايما وأبدا فى حالة غياب
متعملش لينا يا ريس حساب
دي عزبة سيادتك و فيها أنت حر
و دستور ما دستورشى مش فارقة خالص
كلام فاضي كله يا فندم بناقص
كفايا علينا الفساد اللي ماصص
عرقنا و معشش و ضارب جذوره
و ايه يعني تهري جتتنا البلاوي
يوماتي كوارث، فضايح، رشاوي
كفايا علينا القعاد في القهاوي
بنستنى لما الوريث ييجي دوره
ــــــــــــــــــــــ
شاعر مصري

موضوع: رد: فى حب الرئيس الأحد يوليو 18, 2010 3:00 pm

هههههههههههههههههههههههههههههههه
والله صحيح م يبكى وهم يضحك
موضوع جميل جدا والله يا هيما واحمد فؤاد نجم انا بحب كتاباته جدا
وطول ما الريس قاعد على تلها
لســــــــــــــــــــــــــــــــــــــــــــــــــــــــــه يا ما هنشوف وبالمناسبه كان فيه نكته كده عايز اقولهالك
بيقولك مره واحد ماشى فى الصحراء لقى الفانوس السحرى راح دعكه طلعله المارد راح قال للراجل اللى لقى الفانوس
معاك منديل قاله اه ....قاله هاته .........قاله معاك موبايل ...........قاله هاته .....قاله معاك محفظه .......قاله اه ......قاله هاتها وبعد كده دخل الفانوس ومطلعش تانى ....الراجل صاحبنا اتضايق ...راح قعد يدعك يدعك يدعك يدعك
راح طلعله المارد وهو بيزعق وقاله ايه يا عم ......قاله انت اللى ايه المفروض انك انت اللى تحققلى 3 امنيات مش تاخد منى ..قاله ااااااااااااه انت عايش من ايام عصر علاء الدين وكده ....قاله اه ..قاله لا ده عصر علاء مبارك هههههه
اسف على الاطاله تقبل مرورى

موضوع: رد: فى حب الرئيس الأحد يوليو 18, 2010 6:40 pm

هههههههههههه هتودونا فى داهية وهتقفلولنا المنتدى

باى باى هيما ربنا معاك

مع السلامة يا تيتو هتوحشنى

موضوع: رد: فى حب الرئيس الأحد يوليو 18, 2010 11:43 pm

اسعدنى مروركم
متخافش من علاء خليك جامد فيها ايه يعنى انا رحت هناك قبل كده
ههههههههههههههههههه
بيرحبوا بالناس احلى ترحيب فى حب الرئيس 72833

لا والله بتتكلم بجد يا هيما ؟؟؟؟؟؟؟؟

ياعم قول واطربنا وماتخافش

خدى وقفايا ملك للريس
ده انا احطه فى السى فى
ههههههههههههههههههههه

» هو دا الرئيس بجد؟؟؟