سؤال للإيضاح

بما انى عضو من خارج الحدود الصعيدية فاعتقد ان سؤالى هيبان غريب شوية

ايه الكبائن دى؟؟ وليه رئيس الجامعة منع الجلوس هناك ؟؟
شكرا مقدما للإيضاح

رجاء من العضو ابو تركية شرح معنى كباين بالتفصيييييل

مع توضيح اهميتها فى حياة طالب علوم

الكباين


دى الكباين دى خدت منى راقاااااااااااااااات وراقااااااااااااااااااااات

يااااااااااااه احلى اياااااااااااااااام

بعد اذنك يا بيسو هاتكلم يا ابن عمي اصحي وركزي وماتفطريش فول ما تقري الكلام دا الكباين دي مكونه من شبابيك البدروم اللي فيه المكتبهاللي معلقين علي الشبابيك بتاعتها ورق ممنوع الجلوس بجوار المكتبه وطبعا بنفض  بعد كده الطالب بيقعد فيها بين المحاضرات لإزاله الهم والكرب ورفع معنوياته لمواصله الحياه الدراسيه في الجامعه وذلك حتي يستطيع الطالب ان يواصل تحمل رزاله الدكاتره وغلاستهم واحيانا رخامتهم تحتوي الكباين علي العديد من الاماكن منها الصيفي والشتوي وذلك حسب فصول العام ليشعر الطالب بالراحه في المكان حتي مكنه الجلوس فيها لو نفض ومش عايز يحضر ويم تاجير الكباين باليوم او بالابونيه كل شهر ويدفع الاشتراك لدي امين الكباين المزاجنجي تحتوي الكباين علي العديد من وسائل الترفيه حيث ان الكليه مبتغي جميع الطالبات من مختلف الكليات للحصول علي مياه الشرب النظيفه التي تتواجد بكليه علوم فقط إلي جانب حمام السيدات بقسم الجيولجيا الذي يحتوي علي مرآه كبيره تستخدم لتصليح المكياج ومن الممكن لاغراض اخري الله اعلم وبذلك يستطيع الطالب ان يفرغ الكبت الموجود بداخله من جراء المعاناه النفسيه الناتجه عن الدكاتره في الكليه حيث يمكنه المعاكسه والمهاتاه مع البنات بسي البنات عندنا ما بيفهموش ان دا ضحك علشان الطالب يضحك ويفرفش وكل واحده تعمل ه وتقلك ان مش جيه الكليه دي تاني نص ساعه وتلاقيها جت تشرب وتصلح وهناك العديد من الالعاب مثل الضمانه والسجاير واحيانا حاجات تانيه ما احنا في جامعه واحيانا تعتبر الكباين ملجا للمواهب المدفونه في الكليه من غناء وشعر وتمثل وإلقاء النكت وذلك لإضفاء جو من المرح علي المكان القاتم ( كليه العلوم ) وبالتالي يؤدي هذا إلي ارتفاع الاصوات احيانا ويقوم المعيدين برمي الاحماض من السكاشن في قسم الكيمياء الذي يعلونا مباشره وهذا اخر ما يحدث ولكت بعد التعديلات الاخيره اصبح دكتور م ف رئيسا للقسم وكانه جهنم الحمراء علي المعيدين قبل الطلبه حيث ضربنا ووسبقنا واشتكي لرئيس الجامعه وفي اليوم التالي حدثت مشكله مع نائب رئيس الجامعه الذي لايفهم له احد كلاما مع احد طلاب معهدالخدمه حيث نقوم بإستضافه جميع الفئات من الشعب القناوي والواد دا بئي كان عيل مخلص وكان هيضربو مما ادي إلي صدور قرار بمنع الجلوس عليها بس علي مين دا احنا بتوع الملامين وولع الكبريت احنا العفاريت عيوينا نبطل يشترو ديسكات ويركبوها قدام الكباين برضوا بعيد عن شبابيك المكتبه والمعامل ونعديها سلم وما زالت الحرب مستمره بيننا وبينهم وربنا هينصرنا عليهم علشان احنا غلابه وما بنقطعش في سيره اي حد لكن هما بوريه بوريه اه ياني هيا دي بالكباين باختصار علشان ما اطولش عليكي وعلي الناس في المنتدي واوعدك لو جيتي قنا تاني هاصحبك في جوله بنفسي في الكباين لتري عظمه التاريخ ومجد الاجداد مع تحياتي رئيس مجلس إداره الكباين 

ياااااه حمد الله على السلامة
والله دا انا كنت نسيت انى سألت
عموما احب اطمنك انى بقالى زمان مافطرتش فول لان الفول دا مزاج ولازمله تحابيش مينفعش من غيرها والصراحة فى المدينة الامكانيات ضعيفة اوى وبقضيها سندوتشات جبنة وشاى باللبن لحد مارجع موطنى الاصلى اللى هو بيتنا
ثانيا
هو يعنى الولد لازم يفرغ كبته فى بنا يضايقها ايه كائنات حية تتعايش غلى الغلاسة ياساتر سيبوا البنات فى حالها شوية
وبعدين الصراحة انا بحترم رئيس الجامعة بتاعكوا اوى وطالما اخد قرار يبقى اكيد صح ومن موقعى هذا بقوله ((الى الامام ياروميل)) قصدى يادكتور عباس
والسلام عليكم ورحمة الله وبركاته

واحب اضيفلك يا زينة ان الغلاسة وصلت انهم بيشغلوا اغااااااااااااااانى بصوت عاااااااااالى جدا
واحنا طبعا بنكون فى سكشن داخل المعمل وبيشوشروا علينا وبنركز فى الكلام والاغانى ونسيب الدكتور مع نفسه يهاتى
اسال رئيس مجلس ادارة الكباين انتوا بتجيبوا الوقت ده كله منين؟؟

ممكن اجاوب انا بما اني من كبار رواد الكباين
يالله عديها
المهم تخيلي انك كان معاكي سكش عضوية 6 او حتي 8 ساعات وفي راحة في النص هترتاحي فين
هتلاقي فين الحضن اللي ممكن يستحمل ريحتك باحماض
الخليك واليود ولا اللاسان اللي طول عمره ما اتعمل صح ولا حتي صبغة الازو داي دا احنا مبنشفش ايدنا نضيفة الا بعد مرور شهر كامل من انتهاء العملي
ثم انك عايزه تخلي بالك وتسيبي الاغاني الجميلة مع المعيد خليه ينفعك
يا ستي كبري الجي وروقي الدي