انا انتقد...........انا لا اتطاول

انا من رائى
انت ممن يرون بأن من حقك ان تدافع عن نفسك

بس لما روحى بتطلع وبجيب اخرى
بنفض بصراحه

فى شاعر قال بيت شعر جميل جدا

اصبر على كيد الحسود فان صبرك قاتله
فالنار تأكل بعضها ان لم تجد ما تأكله

وانا مش مع اى شخص يقولك عامل الناس بقدر شخصيتهم وتعاملهم معاك لالالا بالعكس انا اعامل الناس زى ما قال الدين واخلاقى وشخصيتى

كتير بنتعرض لمواقف سخيفة من ناس كتير وردود اسخف ومش معنى كده اننا نرد بالاساءة والاهانة زيهم

ولا حتى نتجاهله

انت تحاول تقنعه بوجهة نظرك بس باسلوب متحضر وسامى ونتنزه عن مثل هذه التفاهات

"وجادلهم بالتى هى احسن فاذا الذى بينك وبينه عداوة كأنه ولى حميم"

يعنى ممكن يبقى صديق ليك اكثر من كونه عدو

وحاجة كمان دايما الانسان يحاول يكظم غيظه

لان الرسول عليه الصلاة والسلام قال

"ليس القوى بالصرعة انما القوى من يملك نفسه عند الغضب"

احييييك بوبوس على الموضوع الرائع ده لانه فعلا يستاهل النقاش والواحد عنده كلام كتير بس هنسيب فرصة لباقى الناس يقولوا ارائهم

وانا شخصيا اتعرضت للمواقف دى كتير وفعلا والله عملت بكل كلمة انا كتبتهالكم وربنا يثبتنا انشاء الله

تقبل مرورى

mostafa kadi كتب:

انا من رائى
انت ممن يرون بأن من حقك ان تدافع عن نفسك

بس لما روحى بتطلع وبجيب اخرى
بنفض بصراحه

وجهه نظر جميلة يا قاضى انا عن نفسى
بعمل زيك بالظبط
فى اغلب تصرفاتى

rotito كتب:

فى شاعر قال بيت شعر جميل جدا

اصبر على كيد الحسود فان صبرك قاتله
فالنار تأكل بعضها ان لم تجد ما تأكله

وانا مش مع اى شخص يقولك عامل الناس بقدر شخصيتهم وتعاملهم معاك لالالا بالعكس انا اعامل الناس زى ما قال الدين واخلاقى وشخصيتى

كتير بنتعرض لمواقف سخيفة من ناس كتير وردود اسخف ومش معنى كده اننا نرد بالاساءة والاهانة زيهم

ولا حتى نتجاهله

انت تحاول تقنعه بوجهة نظرك بس باسلوب متحضر وسامى ونتنزه عن مثل هذه التفاهات

"وجادلهم بالتى هى احسن فاذا الذى بينك وبينه عداوة كأنه ولى حميم"

يعنى ممكن يبقى صديق ليك اكثر من كونه عدو

وحاجة كمان دايما الانسان يحاول يكظم غيظه

لان الرسول عليه الصلاة والسلام قال

"ليس القوى بالصرعة انما القوى من يملك نفسه عند الغضب"

احييييك بوبوس على الموضوع الرائع ده لانه فعلا يستاهل النقاش والواحد عنده كلام كتير بس هنسيب فرصة لباقى الناس يقولوا ارائهم

وانا شخصيا اتعرضت للمواقف دى كتير وفعلا والله عملت بكل كلمة انا كتبتهالكم وربنا يثبتنا انشاء الله

تقبل مرورى

الله عليكى يا روتيتو

كلام ولا اروع بس بصراحة صعب عليا انا شخصيا تنفيذه
عايزه ناس بصراحة ايمانها قوى جدا
ربنا يثبتك ويرفع همتنا يارب

انا بقول مش كل حد بسيبو ولا كل حد برد عليه على حسب الشخص
يعنى لو كان حد عزيز او اعرفه واتكلم معايا باسلوب وحش او انتقدنى انتفاد سئ فانا حتناقش معه
انما هو لو حد سفيه وكلامى معاه مش حيفدنى الا انى حنزل لمستواه
فانا بمشى على بيت شعر بابا قاله لى بابا انا معرفش مين قاله
(اذا خاطبك السفيه فلا تجبه..........فخيرا من اجابته السكوت
فان كلمته فرجت عنه................وان تركته كمدا يموت)
شكرا على موضيعك الجميله المفيده يا بوبوس انت الايام دى بسم الله ما شاء الله المواضيع بتعاتك كلها هادفه وجميله نتمنى لك دوام التوفيق

يا خسارت فرحتى بيك لانك عقلت
يعنى قريبا حينطبق عليك
ورجعت ريمه لعادتها القديمه

هههههههههه و ليه قريب هي ريمه رجعت واللي كان كان

مشكوره شهير علي هذا الرأي الحكيم بس أنتي علي كده طلعتي مش ساهله ههههههههههه علي العموم منتظرين بقية الرد في وقت تكوني مش مشغولة فيه

والله الموضوع عجبنى بس انا من النوع الى مبردش على حد انا بسيب اى شئ بيزعلنى والله ربنا بيحله منغير مأدخل انا يعنى بسبها على ربنا ديما اذا كنت مظلومه فحقى بيرجعلى مهما طال الوقت والجميل ان الى يحصل معايا بنساه بمجرد ما يخلص مبفكرش فى الى حصل لاكن بعرف الشخص الى قدامى ومبتعملش معاه ولو اتعملت معاه تانى ببقى عارفه انا بتعامل مع مين. بس انا عجبنى كلام روتيتو قوى بيفكرنى بوحده صحبتى بتفكر زيها
وشكرا يا بوبوس على الموضوع الرائع

بوبوس كتب:

السلام عليكم ورحمة الله وبركـــــــــــــــــــــــاااتهِ


يقول الشافعي رحمه الله :

يخاطبني السفيه بكل قبح .. فأكره أن أكون له مجيباً

يزيد سفاهة فأزيد حلماً .. كعود زاده الاحراق طيباً

ويقول شاعر آخر

ولقد أمر علي اللئيم يسبني .. فمضيت ثمت قلت لا يعنيني

ويقول آخر
سكتت عن السفيه فظن أني .. عييت عن الكلام وما عييت

ولكني اكتسيت بثوب حلم .. وجنبت السفاهة ما حييت

.
.

.

عندما تجد نفسك في مثل هذه المواقف التي قد تدفعك للدخول في نقاش عقيم

أو في ردود قد تخرج عن الأدب والاحترام

أو ربما تقع في مواجهة مع سفيه قد يخطئ عليك وأنت في غنى عن الرد عليه


فماذا تفعل حينها ؟
؟؟! ..



عايزين نرى كل راى وان شاء الله انا ح قول راى بردو بس بعد ما اسمع ارائكم

بالنسبة للاصدقاء:
اذا كنت فى كل الأمور معاتبا فلن تجد صديقك الذى تعاتب

اما السفيه أو الأحمق:
اذا جادلت الاحمق اعياك

ولكن احب النقد البسيط والبناء وليس الجارح أو اللاذع.........
وأحيانا يكون العتاب الرقيق حفاظا للمودة مع من علاقتك بهم قوية جدا.......

امنى ان يصل المعنى.............
وشكرا بوبوس على الموضوع...........

الصراحة الموضوع شديد وجميل فعلا
طبعا قريت اراء كل الاعضاء وعجبتني ارائهم كلها لان اغلبها متشابه
وانا زيكم تمام لو كان حد عزيز عليا هعاتبه بس بعدين لما يهدى علشان متتطورش المشكلة ونزعل من بعض
اما لوحد معرفهوش اكيد هطنش ومش هرد عليه وانا بكدة هبقى احنرمت نفسي وريحتها من وجع القلب والدماغ اصلي مش معقولة اي واحد هيقول عليا كلمة همسكهاله
لا اللي يقول يقول وانا هضايق نفسي منه ليه
زي ما قالت شهيير امشي عدل يحتار عدوك فيك

خير الرد علي السفيه الصمت
لانه مستني انك انته بردك تغلط وترد علي فا انته ما احرق دمه وما تردش عليه