يلا نهنى نفسنا برمضان بجد

[b][center]رمضان كريم لكل الناس

اكيد كل واحد منا بعت لحد دلوقت مالا يقل عن 15 او 20 sms بمناسبة رمضان للقرايب والاصحاب والجيران وعم عبده البقال وحمزة السمكرى وصاحب اخوك وبنت عمة خالتك وهكذا

وكمان فى ناس _وانا منهم_ شحنوا كارت بعشرة ويمكن بخمسة وعشرين مخصوص عشان التهانى دى

طبعا التهانى دى مهمة جدا وانا مش جاية اقلل منها بالعكس فى ظل الانشغال اللى الناس فيه دلوقتى وفى اقاريب مبيشفوش بعض بالسنين اهميتها زادت

بس انا فكرت زى ماانا عاوزة معارفى يفرحوا بالتهنئة منى بمناسبة رمضان ليه مهنيش نفسى كمان -بس اكيد مش هبعت sms يعنى - بس ازاى؟؟

خلاص على قد ماتشحن على قد ماتخرج لله لحد غلبان انت عرفه او فى شنط رمضان اللى الجمعيات الخيرية بتعملها وكده يبقى انت بعت لنفسك احلى تهنئة بمناسبة رمضان

اى حد يدخل الموضوع ده ينفذ الفكرة ولو حد عنده اضافة يريت يفيدنا بها

رمضان كريم ... والله اكرم

» انتو ليه مهتمين برمضان اوي كده ؟؟؟