Sa3idY sCiEnCe Forum
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتدي صعيدى ساينس
سنتشرف بتسجيلك

يمكنك تسجيل الدخول للاستمتاع برؤية جميع اقسام المنتدى

شكرا
ادارة منتدى صعيدى ساينس
Sa3idY sCiEnCe Forum
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتدي صعيدى ساينس
سنتشرف بتسجيلك

يمكنك تسجيل الدخول للاستمتاع برؤية جميع اقسام المنتدى

شكرا
ادارة منتدى صعيدى ساينس
Sa3idY sCiEnCe Forum
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Sa3idY sCiEnCe Forum

منتدى لكل العلميين (أول منتدى بجامعة جنوب الوادى بقنا) 
الرئيسيةالرئيسيةأحدث الصورالتسجيلدخول

 

 لقاء فى شارع الثورة

اذهب الى الأسفل 
3 مشترك
كاتب الموضوعرسالة
M.KADY
General ManagerGeneral Manager
M.KADY


لقاء فى شارع الثورة Aledarh1
ذكر

عدد الرسائل : 5337
العمر : 34
آخر الأخبار : خلاص حرمت اكل هالبينو تانى !!!!

الجنسية : لقاء فى شارع الثورة Female31

مزاجى : لقاء فى شارع الثورة 3011

المهنة : لقاء فى شارع الثورة Collec10
الهواية : لقاء فى شارع الثورة Swimmi10

تاريخ التسجيل : 21/11/2008


لقاء فى شارع الثورة Empty
مُساهمةموضوع: لقاء فى شارع الثورة   لقاء فى شارع الثورة Icon_minitimeالجمعة أكتوبر 01, 2010 10:47 pm

■ المذيعة: مساء الخير عزيزى المواطن.. تحب حضرتك تشترك معانا فى البرنامج؟

ـ المواطن: على حسب الاشتراك بكام؟

■ آه ده شكله عسل وهيتعبنا.. يا فندم أنا قصدى تشترك معانا برأيك.

ـ والله يافندم أنا لو كان عندى رأى أحب أحتفظ بيه لنفسى.

■ حضرتك مكبر الموضوع ليه.. ده برنامج إذاعى بنحتفل فيه بذكرى الثورة.

ـ يا فرج الله.. هى الثورة قامت أخيراً؟.. والله ماحد قال لى.

■ لا حول الله يارب.. عزيزى المواطن إحنا بنتكلم عن ثورة يوليو بتاعة الزعيم جمال عبدالناصر.

ـ أيوه عارفه.. جمال عبدالناصر مبارك.. شاب أمير وربنا هينصره علينا إن شاء الله.

■ لا مش هينفع كده خالص.. شوفوا لنا مواطن تانى والنبى.. عشان اليوم المجيد ده يعدى.

المعد: باقولك إيه يا هانم.. ده المواطن المتاح دلوقتى.. مشى حالك بيه لحد ما نلاقى غيره.

ـ يا فندم حضرتك متعصبة ليه.. أنا باهزر معاكى.. حد ما يعرفش ثورة يوليو.. مش دى اللى ثورة أطلقها جمال.. وإحنا حفرنا القنال وبعدين حررناه وبنفكر نبيعه دلوقتى.. أنا راكب معاكى فى البرنامج.. اتفضلى.

■ الصبر من عندك يا رب.. حضرتك ممكن نبتدى نسجل بس أستسمحك الإجابة تبقى على قد السؤال.

ـ والنبى البرنامج ده هيبقى عسل.. إنتى بس شوطى وربنا هيكرمنا.

■ المذيعة: أعزائى المشاهدين كل عام وأنتم بخير.. فى هذا اليوم المجيد نزلنا إلى شارع الثورة لننقل فرحة المواطنين بهذا اليوم التاريخى الذى غير وجه مصر.. التقينا بأحد المواطنين وسألناه عن رأيه فى مبادئ ثورة يوليو؟

ـ هى ثورة يوليو عندها مبادئ. والله ماكنت أعرف.

■ أيوه يا فندم ثورة يوليو عندها ست مبادئ.

ـ يا عينى.. ده الواحد مننا بيبقى عنده مبدأ بيطلع عينه فى الزمن ده وهى عندها ستة.. الله يكون فى عونها.

■ إيه اللى حصل للناس بس يا رب. يا سيد يا محترم مبادئ يعنى أهداف.

ـ والله.. يعنى الثورة عندها ست أهداف زى الأهلى كده.. وجابتهم فى مين؟

■ ماهو ده السؤال يا فندم؟ فى رأيك كابن من أبناء مصر بعد مرور 58 عاماً على الثورة ما الذى تحقق من أهداف ثورة يوليو؟

ـ إنتى مش بتقولى إنها جابت ست أهداف خلاص.

■ يا بنى آدم إفهم الثورات غير الماتشات.. الثورة بتيجى بأهداف وبعد كده بتحققها. فهمت؟

ـ أيوه فهمت.. يعنى فى الماتش بنلعب عشان نحط الهدف.. فى الثورة بنحط الهدف وبعد كده بنلعب فيه.. والنبى ماتتنرفزى يا ست هانم.. أصل أنا والله أول مرة أسمع حكاية أهداف الثورة دى.. حضرتك قولى لى الهدف وأنا أعلق لك عليه بعون الله.

■ معقول برضه.. بص يا سيدى أول هدف من أهداف الثورة القضاء على الاستعمار وأعوانه، إيه رأى حضرتك فى هذا الهدف؟

ـ أرجوكى اعذرينى أنا ما احبش أجيب سيرة الاستعمار.

■ ليه إن شاء الله؟

ـ عشان أعوانه هيزعلوا.. وزعلهم أوحش من زعل الاستعمار ذات نفسه.

■ إنت غريب قوى على فكرة.. بلاش الاستعمار.. عندك مثلا من أهم أهداف الثورة كان القضاء على الاحتكار وسيطرة رأس المال على الحكم.

ـ من فضلك أنا وافقت أسجل على أساس إن ده برنامج تاريخى.. ومش هتجيبوا سيرة أحمد باشا عز وحديد عز.. أنا عندى عيال وعايز أعالجهم.

■ إيه علاقة أحمد باشا عز وحديده بالموضوع يا أخينا.

ـ مش بتقولى احتكار.. عايزه تخلينى أقول الكلام اللى بيقولوه عليه بتوع المعارضة إنه محتكر الحديد عشان هو صاحب جمال مبارك وأمين تنظيم الحزب الوطنى.. بصى بقى أنا شاكك فيكو بصراحة.. انتو من قناة إيه.. معاكو كارنيهات.

■ ييه ده هيقلب دماغنا.. بلاش يا سيدى الهدف ده.. خلينا فى هدف غيره.. عندك مثلا هدف القضاء على الإقطاع.

ـ حضرتك بتتكلمى عن الثورة الفرنساوية ولا ثورة يوليو.. ممكن تورينى كده الورقة اللى بتقرى منها.

■ من فضلك ممكن تعلق على الهدف وانت ساكت.

ـ إزاى يعنى.. أعلق وأنا ساكت إزاى؟

■ قصدى تتكلم فى صلب الموضوع.

ـ ما هو معلهش يا ست هانم.. إنتى عماله تقولى لى قضاء على الإقطاع وتحقيق العدالة الاجتماعية بين طبقات الشعب.. إنتى مش عايشه معانا فى البلد.. أنا حاسس إنك بتتبلى على ثورة يوليو وبتلزّقى لها أهداف من وراها.. أصل يعنى لو ثورة يوليو كانت بتهدف للكلام ده ماكانتش هتقعد 55 سنة من غير ما تحققه.

■ طب خلاص خلاص أنا هاختار لك هدف تانى وقول تعليقك بأدب لو سمحت.. وبلاش ألفاظ تلزّقى وتتبلِّى والكلام ده.. تهدف ثورة يوليو إلى إقامة حياة دستورية وديمقراطية سليمة.. حضرتك بتضحك ليه؟

ـ أصلى افتكرت إنها سليمة سليمة.. فاكره لما الكافر فى فيلم فجر الإسلام قال شلت يدى وبعدين ضحك عليهم وقال إنها سليمة سليمة.. آه ياكفرة.. إنها سليمة قال.

■ طيب نكتفى بهذا القدر مع المواطن الكريم لكى نتيح الفرصة لعشرات المواطنين الذين يتسابقون خلف الكاميرا على إبداء رأيهم فى أهداف ثورة يوليو. كفاية كده أنا مش مكملة مع الراجل ده.. أبقى ست مش كويسة ويا رب أتنقل القناة التامنة لو كملت معاه.

ـ المعد: طيب خلاص هدى نفسك يا هانم.. هنمشيه.. بس إنتى إهدى والنبى.

■ إيه ده.. مش ممكن.. ده لسه واقف هنا.. إنت يا أخينا ما تتوكل على الله وتمشى من هنا.. ما خلصنا التسجيل.. إنت واقف هنا ليه؟

ـ مستنى إعادة «الأهداف».

(حوارية كتبتها قبل سنوات ونشرتها فى كتابى السكان «الأصليين» لمصر.. أهديها إلى كل أصدقائى الذين أغضبهم ما كتبته عن ثورة يوليو لكى يهدأ غضبهم قليلاً).

منقول من المصرى اليوم
الرجوع الى أعلى الصفحة اذهب الى الأسفل
the blood
عالم مشرفنا
عالم مشرفنا
the blood


انثى

عدد الرسائل : 127
العمر : 33
الجنسية : لقاء فى شارع الثورة 3dflag10

مزاجى : لقاء فى شارع الثورة Yragb11

المهنة : لقاء فى شارع الثورة Pilot10
الهواية : لقاء فى شارع الثورة Sports10

تاريخ التسجيل : 31/03/2010


لقاء فى شارع الثورة Empty
مُساهمةموضوع: رد: لقاء فى شارع الثورة   لقاء فى شارع الثورة Icon_minitimeالسبت أكتوبر 02, 2010 7:04 pm

شكرا على الموضوع الجميل
وبخصوص اهداف الثورة
فعلا قضيت على الاحتكار
والا مكنا ش قولنا ابنى بيتك يا ابن بلدى
يعنى هو ميش غير احمد بباشا عز اللى
عنده حديد والله الواحد مش عارف يعمل ايه
يسيب البلد ليهم ويطفش
سورى وجعتلك دماغك بس بجد اللى احنا فيه ده محدش
فيه على راى عمر دياب
NN
الرجوع الى أعلى الصفحة اذهب الى الأسفل
تويتى
عالم مشرفنا
عالم مشرفنا
تويتى


انثى

عدد الرسائل : 58
العمر : 31
آخر الأخبار : ياااااااااارب تنجح يا تتح

الجنسية : لقاء فى شارع الثورة Female31

مزاجى : لقاء فى شارع الثورة Anafar10

المهنة : لقاء فى شارع الثورة Collec10
الهواية : لقاء فى شارع الثورة Travel10

تاريخ التسجيل : 25/01/2011


لقاء فى شارع الثورة Empty
مُساهمةموضوع: رد: لقاء فى شارع الثورة   لقاء فى شارع الثورة Icon_minitimeالإثنين مارس 07, 2011 12:16 am

تماااااااااام يا قاضى الله ينور
المره الجايه عايزين لقاء مع شاب من شباب 25يناير 2011
هيكون الرد مختلف وهنقول لناس كتيييير الله يرحم ايامهم السودا اللى عدت دى
وحدووووووووووووه
لا اله الا الله
سورى طولت عليكم
الرجوع الى أعلى الصفحة اذهب الى الأسفل
 
لقاء فى شارع الثورة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Sa3idY sCiEnCe Forum  :: القسم الترفيهى :: الضحك والفرفشة-
انتقل الى: